حبيت انقل لكم طريقة عنايتي باليدين والاظافر
اليدين هي اكثر منطقة في جسم المرأة تدل على شبابها عشان جذي
تكون لها عناية خاصه ويومية من خلال هالجدول البسيط اللي راح اعرضه عليكم.
بداية اهم شي بالعنايه من وجهة نظري هي :
اولاً : التقــشـير او السكــراب
بالنسبه لي انا اسوي سكراب لبشرة يدي 3 مرات في الاسبوع والمقشر اللي استخدمه
اسمه
herbal skin doctor
منتج تايلندي بتحصلونه في محلات الاسيوين المعروفه ( يحتوي على معادن واملاح البحر الميت + بودرة الارز للتقشير + زيوت اساسية وفيتامينات + مستخلصات الخضار )
وصورته لك
وطريقتي : اغسل يدي بماي دافي عشان تفتح المسام واحط شوي من السكراب وابدي بحركات دائرية على بشرة اليد وحتى الاظافر لمدة 3 دقايق وبعدها
انظف الاظافر بفرشاة
من برى وداخل
وبعدها اغسل يدي بماي بارد عشان تتسكر المسام وانشفها عدل..
ثانياً : التغذية ( بشكل يومي )
*استخدم للاظافر ومحيط الاظافر
زيت E او زيت زيتون مع التدليك عشان تنشط الدورة الدمويه في اليد والاظافر..
* لبشرة اليد
استخدم كريم اليد اللي ما أستغنى عنه
HAND CREAM
من AVENE الفرنسيه الشهيرة
وبتحصلونه في الصيدليات وهو مخصص لليد الجافة
واستخدمه بشكل يومي ويمتصه الجلد بسرعه وما يترك اي اثر دهني
ثالثاً : العنايه الاسبوعية
مره بالأسبوع انظف يدي بالليمون لمدة 5 دقايق وخاصة الاظافر بواسطة الفرشاة الخاصة
وبعدها احط يدي كاملة في وعاء فيه زيت زيتون دافي لمدة 10 دقايق ( حطيه اقل من دقيقه في المايكرويف في وعاء زجاجي )
والبس قفازات الخاصة بالأكل وعليها قفازات بيضاء من القطن وانام فيها
وفي النهاية راح تحصلين على يد ناعمة وطرية وشابة
0 التعليقات :
إرسال تعليق